Ani indrio, se ga presentà ntel povolà un forestier montà a caval. Zera vestio c’na capa negra, capel c’le ale voltade in su, stivai longhi, vestito de inverno come s’el vegnesse de la region pi alta dela sera. El forastier se ga ospedà ntel otel Nova Trento e, dopo de disnar el ga discansà un pochetin. Quando el se ga desmissià, el ze ndato in cerca del paron del otel par far um per de domande. Ma no les tà mia fàssile capirsse fra de lori, parche el forastier no savea parlar in talian e el paron del otel no savea parlar in portuguese. Ma con moti e qualche parola i se ga capio.
El forastier zera de Criùva e el sercava na casa lotérica. El paron del otel ga informà , che quà no gue zera mia sta casa, solche in Cassia.
Lora el gue ga domandà se zera distante,. Parche nol stea mia bem e el gavea in man un biliete de loteria premià.
El paron del otel ga messo su i ociai, e el ga conferio sto biliete e zera pròpio premià, Duzento conti de rèis. Na fortuna! Tuta carera ze ndato mostrague al paron dela venda c’la desculpa che nol capia mia ben cossa che zera scrito.
Lora i ga architetà un piano. I ga dito al forastier che el zera premià si, ma ntel quinto prèmio. Solche 10 conti de rèis.
El forastier lora ga dito: – Mi no sò leder e cassia ze distante e mi no stò mia ben, volaria catar na persona onesta par trucar sto biliete che gue tochea ndar casa.
Tuti contenti i gue ga oferessesto 8 conti de rèis, ma el ga catà massa poco e nol polea mia perder 2 conti. Lora i ga oferesesto 8 conti e le despese del otel. El forastier ga acetà, ma gue ocorea i soldi fin el giorno drio al mesdi. Lora i se ga unio in quatro e cata sus i 8 conti e i ga combinà che dopo i spartia el premio de 200 conti de rèis fra de lori.
El di drio, el forastier tuto contento el ga ciapà la borsa con i soldi el caval, ndato rumo la Criùva.
E credendo ver fato um grando negòssio i ga scuminsià far la festa ancora la sera, e i ozea ntela rua granda “Basta de miséria” e tuti ntele finestri spiea fora sensa saver cossa che gavea sussedesto.
El giorno drio, ben bonora i se ga messo ndar Cassia, tor sto prémio milionàrio. El paron dela lotérica el ga vardà sto bilieto el gue ga dito: – Ma quel premio quà le stà pago ancora la stimana passada la in Porto alegro. El ze fasificà!
Elga ciapà el bilieto e lo ga bagna e i nùmeri se ga descolà .
Pori can! Con la coa in meso le gambe i se ga partio. Quando i ze rivadi in Nova Trento tuti li spetea con i foguetoni, ntela conta dei novi siori.
Pensè sol che vergogna! I foguetoni sbarava e e c’la testa bassa i dizea: Basta de sbarar che guemo ciapá na imbrocada!
I ga metesto la viola tel saco e par paro de giorni nissuni li ga visti ntel povolà. El bel che lori i ga pensà de imbrocar el forestier ma i se ga imbrocà lori” Quel che tuto vol, tuto perde!”
Questa stòria stata contada ntel libro de Raymundo Paviani, “De Prefeito a Pedreiro”.
