In 1943 un gran poeta ga scrito na poesia che me piase tanto. Sta poesia la ze sempre in moda. E de là, fin el di de oncoi, tudo ga scambià, tuto ndato avanti. La tecnologia ga dato um salto grandíssimo, fin difissìle de capirla, prinssipalmente par quei pi vecioti. Ma la umanità, la ze Giusepe e sempre sarà Giusepe.
In questo contesto desolador che la umanità vive oncoi, in meso de na angùstia esistensial, solitudine e sbandono, quando non se sà pi par che banda ndar, me vien in mente i versi de Drumond de Andrade:
(Domando permission a lu, par scriver in talian un per de versi.)
“E adesso Giusepe
La festa ze fenia
El pòpulo ga spario
La note ga sfredà,
E adesso Giusepe?”
Fenio la festa e tuti ze ndati via e Giusepe le stà sbandonà. La eterna solitudine che abita ntei Giusepi de sto mondo mato, de tempi inserti, de tante domande e gnanca na risposta.
Giusepe le mia um omo, semo tuti noantri, la umanità! Ndemo in quà, in là, sensa gnente par tegnerte. Te camini, ma ze mia na marcia de Vitòria o de progresso: ze na marcia de persistensa orba.
Giusepe se sinte abandonà.
Le luce se smorsa, tuto resta scuro! E adesso Giusepe?
“… Sensa caresse, sensa el amor, no el pol dormir, sognar pol pi, la note ga sfredà, no vien pi giorno…” el ga fame ma no el pol magnar, el ga fredo, ma no el se cuerde mia, tuto fenio…
El vol ozar, ma no el ga pi oze! Rider? Gnanca parlar.
E adesso Giusepe
Te vol verder le porte, ma no gue pi porte…
Te si perso Giusepe ntel labirinto dela giornada.
Drumond tira via de gusepe la religon, el amor, la fameia e la política, e lo assa nudo vanti la esistensa. La aflission de Giusepe ze granda. Nol gà speransa parchè el ze incuralà. Le so màschera casca e la realtà se mostra.
E la speransa Giusepe!
“Abandonà ntel scuro
