La Seconda guera Mundial no le mia sta solche morte e desgrasie, ma anca un momento longo de silénsio.
Ntela nostra stòria gue ze stato un período che zera proibio de parlar el dialeto, e altre léngoe che no fusse brasilian.
I nostri taliani i ze squase deventai mati. Stai proibi de parlar la única léngoa che i saveva, in prática, ze stà na condenassion de deventar mati.
Maginarsela un talian star de boca sarada! E quando ndea tele bodegue bever la so caciassa. Far come domandar el tragueto? I fea del moto col deo e no i stea sensa el trago.
Quando qualchedun se smenteguea o i venhea fora com na parola in talian in ndea in Catùfia (zera na gíria par preson) e anca i zera coionadi e ciamadi de míseri coloni, sensa recognossimento, sploradi e el so parlar zera viculà al senso de esser gente rùstega, porigrami e gnoranti.
El período del silénsio le ndato de 1937 a 1945. El Brasil zera governà par Getùlio Vargas e ciamea “Campanha de Nacionalização”. El ogetivo zera valorizar la cultura Brasilera par poler far del Brasil um paese patriota e far la integrassion fra i taliani. El pedo zera che, nianca ntele selebrassion reliose el frate no polea parlar el dialeto.
La lege era rigorosa e tuti obedia. I nostri taliani de Noa Trento pare che i deventesse mati. Prinsipalmente quei dela colônia. Custumai casa parlar in talian, e come i vegnea poco ntel paese, lora i savea manco ancora parlar el brasilian. La paùra de ndar in preson zera granda.
Ntea pesquisa de la Danubia Otobeli la dise che par no cascar in tentassion, le persone quando ndea a messa, impienia la boca de àqua, e cosi no i polea mia parlar e i se salvea de scapar fora qualche parola e fermarse in preson.
El ùnico che se ga salvà le stà Naneto Pipeta, che i taliani i gue volea gran ben, che i ga sconto le stórie del so eròi.
Me pupà el ne ga contà che le ndato in preson e gue tochea osar “Viva Getulio e Abaixo Mussolini” e se te volea mia dirlo, i te dava sboraciade zo par la squena. Tochea dirlo tante volte anca.
El problema zera anca col cognome. I guea tanta paùra che sucedea esser esempio “ Bortolo Sasso el se disea Bortolo Pedra.
La paura instaurada par el regime ga fato com che generassion inteire assar la de parlar la léngoa e de passarla par le alte generassion como so fioi , fando com che tante parole ze state perse e generassion inteire no i sa parlar la léngoa dei so antenati.
El di de oncoi se dise che preservar la léngoa ze preservar la nostra identidà e anca le um estro de profonda gratitùdine a tuto quel che i nostri antenati i ne ga dassà in eredità.
