Na stória che ga sussedesto ntela comunità de Mato Perso, distrito de Flores da Cunha ntel altar dea ciesa, gue ze un diaoleto ligà c’ na cadena a una santa.
La stòria ga sucedesto intorno de 1920. In quel tempo, la sagra a onor de Santa Juliana zera fata ntel mese de febraro e i costumea tirar zo i santi del altar par lavarli e infeitarli par la festa.
El coroigna, in quel ano, zera responsàbile par far la limpesa dei santi. El gavea 12 ani e el disea che nol gavea mia paura del diaulo e ancora lo tolea in giro. E el gue disea:” Te si quà, ma no te me ciapi mia”. Sol che el mal fato se ga volta contra mal feitor. Um per de ore dopo quando ze ndato casa a caval, zera note alta belche, el ga sentio un bordel e un sberlon ntela fàcia, che lo ga squasi trato zo del caval.
Spaurà, sto coroigna, gue contava a tuti che el diaulo lo ga atacà e el disea anca che el ga sentio el bordel par tanti ani.
Dopo de del sucedido no el ga mia pi tolto in giro sto diaulo. El prete ga riforsà la idèa de che l’ sta pròpio el diaulo. El tosatel el piandea e de verità tuti ga visto el segno dela man ntela fàcia del coroigna.
La stòria se ga spaià e tuti credea.
Quel tempo là i gavea tanta paura del diaulo. Quando ndea in ciesa i vardea depi el diàolo de che altri santi, parche tuti gavea paura che de note el vegnesse ciaparli.
La stòria se ga spaià tanto che fin el di de oncoi gue gente che va a Mato perso par veder sto diaoleto liga a la santa Juliana e par tanto tempo l’sta na maniera de fargue paura ai tosatei cativi e che no ni stea fermi.
Ma par dir na verità, la Santa Juliana no la gavea gnente de veder con el diaoleto.
La devossion a la Santa la ze vegnesta in Flores da Cunha insieme a imigranti italiani e quà in Mato Perso la ga guadagnà la devossion e tante stórie con sto diaoleto. Ma, anca i dize che el coroigna ze restà col desegno de la man in fàcia, del sberloto che el Belzebu gue ga dato, come se el guesse fato na tatuagen.
Questa stòria la ze contada in diversi libri e anca par i moradori de Mato Perso.
Se no te credi mia, và in Mato Perso vardar! Ma no sta mia torlo in giro che lu, bonora o tardi, se mostra e mi cato che te piasaria mia, nò?
