La talianada ze na stirpe che piase tanto tol in giro a altre persone. El ze um costume che travessa generassion e fra de amici, ze pedo ancora.
La conta Boscatto ntel so libro “Memórias de Um Neto de Imigrantes” che um grupo de amici, squasi tuti dotori, ndai intorno de 1960, far na cassada de perdiz, ntela fronteira e i se ga menà insieme um amico (no fao mia el nome vero) lo ciamemo de Narcisio.
La cassada la durea trè giorni. Nel primo giorno la sera quando i ze rivai casa dela cassada, un tochea netar ste perdiz. El pi embroion el ga fato el sorteio, par veder qui che gue tochea netar le perdiz. El ga fato cinque carte e el ga ciapa uma! – Opa Narcisio.
Nacisio cativo ga dito: – Sacramento! Savea che la me tocava a mi!
Dopo el brusea le carte par Narciso no vardarle.
Ma, sorteio zera sorteio! E intanto che lu netea ste perdiz i altri ndea in volta far festa.
El secondo giorno fato la stessa roba. El resultado del sorteio ga premià ancora sto Narciso!! Che ga scomissiar bestemar!
– Sacramento, nantra volta mi… e cosi avanti.
Le carte del sorteio zera brusade e i quatro dotori ndati far festa, intanto che lu netea ste perdiz.
Terso giorno… Stessa cosa! Fato sorteio e casca Narciso. Ma lora si ze restà`pedo che un demônio. El disea; “Sacramento! Cossa gonti fato par ver poca sorte cosi! El bestemea, una ndrio altra.
Bem, sti dotori i ze ndati far la so festa, ma i se ga desmentegà de bruzar le cartine del sorteio.
Dopo che el ga netà ste perdiz, el ga visto le carte sora la tola e zera drio butarle tel fogo, quando el se ga inventà de leser. L’sta na supresa. Ntele carte guera scrito cinque volte el so nome. Maginèvela la ràbia de sto Narcisio.
El ga ozà le pedo besteme che se pol maginar. El ga dito “adesso no i me ciapa pi!” sol che come zera el ultimo giorno, no ga adiantà gnente. El ga dito su tuto el viaio, nol zera bom de conformarse parche i la ga fato passar de baùco.
