Nele coline del Rio Grande, due ànime e due mondi se cata par cosir la stessa stòria.
El gausso fiol del vento e dela imensidon, ga moldà la so vita a caval. Nol era índio e gnanca europeo, forte e valente, zera un omo del mondo . El portea nel peto el silensio del pampa, e el amaro forte del mate e la libertà de quei que gavea ntel orisonte la única frontera. La so vose ecoa ntei versi dele sesmarie, e la so eredità ze la tera bruta, el lasso e el fogo de sciòn.
De altra parte del mar, stravesando el oceano, riva i taliani. Co le man piene de cali, nei òcii speransa, in tela so mala de de legno el Profumo dele vingne. Con la so lèngua cantava la saudade dela so pàtria distante. El ga desbravà la sera, trasformà i mati in vignai e i sassi in case. La so forsa ze nassesta del laoro, del vin che selebra la vita e dela tola piena e el amor a la fameia.
Le ze due forse che el Rio Grande do Sul ga unio. El grito dela libertaà del centauro dei pampa e el canto de fede e sudor del imigrante che ga fato questaa tera fiorir. Una identidà sol, moldada de coraio, che con orgòlio beve dela stessa tradission.
Oncoi queste due rasse se ga mescolà . El sorasco ze servi ntela stessa tola, ndove gue ze el polastro. El vin ensieme el mate fa la festa. O gausso ga imparà a cantar le mùsiche dela nona e el talian a onorar el ponso e el capel de abe largue.
Le ze due forse che ga moldà la stessa tera. Un con la grandessa del orisonte davanti i òcii, nantro, con la maestria dela tera e dei vignai nele man. Insieme, el gausso e talian no i ze mia solche el passa de na region, ma el sangue forte che pulsa nel cor del Rio Grande do Sul.
Negro, Guarani, Charrua, Espanhol, Lusitano, Germano e el Italiano, ze tuti gaussi de alma cruda che no i ze nassesti par esser domadi, i ga fato le frontiere nel lombo de un caval. Cada um con la so stòria, cada un con la so coltura, cada un con so laoro.
Nel peto del Rio Grande, la tradission gaussa e la eredità se mescola in una sol identidà.
Questa omenagio selebra la fibra de un pòpulo che porta ntele vene el sangue valente dei pampa e el spìrito ativo dei imigranti, mantegnendo viva la stòria de qui ga costruio el futuro sensa mai smentegarse del passà.
