Sta stimana scrivo sora questo assunto, parche go scoltà de un giòveno che i vecioti no i sà gnanca impiar el celular e se noi ze boni gnanca far questo, noi ze boni de gnente.
Lora mi gue digo – Si, i ze drio ndar via, pimpianin e silensiosi como i ze rivai!
La generassion che se ga crià.
La generassion che ga insegnà el onor.
La generassion che ga insegnà el rispeto, la dignità la fede.
La generassion che ga insegnà el valor del laoro.
La generassion che ga verto le strade e che ga insegnà la diression.
Nò! No i ga mia imparà la tecnologia, tanti no i ga imparà impissar el celular e manco ancora saver sora le Rede Social, parche lori i savea parlar vandando ntei ochii, savea far conte de testa, parche scola i zen dai poco, i so pensieri zera laorar, criar i fioi, pareciar el mondo par la tecnologia che no i sà doperar.
Si, i ze drio ndar via! Silensiosi come i ze rivai!
Cola schena goba, come se el peso del mondo fusse suo.
Um mondo che i ga visto scambiar, scambiar e scambiar.
El mondo ndove tuto zera scarso. Ma no gue ocorea mia tanto par viver. El poco zera la felicita. La fameia zera el centro.
De cèi, i ze stati scarsi de afeto, de ascolto, de amparo. Ma, i ga imparà difenderse del mondo e sentir i dolori come fusse parte dela vita, sensa questionar, lementarse o piander. Tuto zera la volontà de Dio.
I ze stai moldai cola mancansa de tuto, cola paura, sofrimento e ndar avanti sempre.
E adesso i ze drio ndar via tuti, pinpianin. Quei che se ga insegnà che el amor no le baruio, l’ star darente , le presença.
La generassion che ga fato stòria i guardion dela nostra cultura, dele memòrie e dela verità.
I ze drio despedirse tuti. E quando i partisse perdemo um tochetin de stòria. I se despedisse de sto mondo cola stessa umildade che i ga vivesto. I ze ndrio ndar via e com lori, i valori che se ga perso par la strada.
Quando i partisse, no perdemo sol na persona, ma si na version única de un mondo, che esistia solche ntei so òcii. La partensa de quei che i ga cargà dècade de stòrie, ze in verità, un momento de silèncio e de tristessa. Le come se um libro de na obra granda, che ga demorà una vita par esser scrìto, se sarese par sempre. Le finio…
E cosi i va via, silensiosi come i ze rivai… Gue na serta pace ntela partensa, de qui ga vivesto tanto, visto tanto, amato tanto, piandesto e ridesto tanto.
Ma, la stòria de lei no la se fenisse quà solche scambia de posto: la va via de insieme noantri e la va destar , ntela nostra saudade e ntela nostra voce e in ntela nostra mente.
