Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

Squasi tute le note

El Nono e la Nona, quando i ga compio i sessenta ani de maridai i ga resolvesto de far un passeio ntele àque in Piratuba

El Nono e la Nona, quando i ga compio i sessenta ani de maridai i ga resolvesto de far un passeio ntele àque in Piratuba. I ze restai là quatro giorni: vendre, sabo, domènega e luni. Quando che i ze retornai, i so amighi, par farghe de poco, i ghe ga dimandà:
– E alora, Nono, come zea stata la luna de miel là ntele àque?
– Tanto meio de quel che mi spetea.
– Gavio fato tanto amor?
– Par dir la verità, lo gavemo fato squasi tute le note.
– Cramenta, Nono, vol dir che si ancora a piombo!
– Par quela si, èh. Varda, semo rivai là al vendre de note. Sèrino meso stufi del viaio e la Nona, poareta, la ga ciapà sono vanti dela sena, sinò lo feino noantri. Ma squasi lo gavemo fato.
– E al sabo?
Al sabo de note ghen era un bailesigno. Le gavemo balà squasi tute. Quando sèrino strachi, intrigai de caminar, semo ndai ntel quarto. La Nona la se ga butà zo e mi son ndato ntel bagnero. Quando son ritornà, la zera belche drio domir. Ma squasi lo gavemo fato.
– Gnanca al sabo, Nono?
– Nò, parché la Nona la ga ciapà sono. Mas squasi. Ghe ga mancà poco.
– E ala doménega?
– Ben, ala doménega, via par el giorno, la Nona la ga volesto passar in tute le vende par comprar un presentin par cada nipote. De note no ga mia dato par far gnente parché la Nona la zera fenia. Ma squasi anca ala doménega lo gavemo fato
Dopo, luni de note, sèrino preocupadi par rangiar le male e gavemo resolvesto dormir bonora parché el giorno drio gaveino un viaio longo e la lìnia la se partia ale sei dela matina. Par quela, no gavemo fato gnente, ma saquasi, èh. Vol dir che come ve go dito prima, gavemo fato amor squasi tute le note. E se volì mia creder, podì dimandarghe ala Nona, che son sicuro che ela la confirma tuto quel che ve go dito.