Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

Scursion ntel Paraguai

Dopo che tuti i ga fato le so compre, i ghe tochea passar ntela fiscalizasson.

Mi no sò onde che ndemo fermarse co’sta maledeta crise. Adesso fin i camignuni i ga tacà fermarse, par via che l’óio l’è restà massa caro. I dise che i laora, i laora, e i soldi i resta tuti ntel posto de gasolina. Sensa parlar de quela màfia maledia de polítichi. Nò tuti, magari, ma dà par dir che de cento, te ghi’n cati un de bon; e de duzento, gnanca un. Na volta mi gò belche dito, che ghe volaria ciapar i polítichi ladruni e picarli ntei palanchi de a luce. Ma un amico mio el me ga dito che no ghi’n saria palanchi che basta.
Alora, par via de sta crise, na tosa quà de Noa Trento, che a gavea de maridarse, a ga pensà de ndar fin al Paraguai par far compre, che là le robe le ze pì baratine. Ma come che no la volea mia ndar ela sola, la gà ciamà la nona che la ndesse insieme a farghe compagnia. E come no le zera mai ndai, le ga ciapà na scursion. El ghia de la scursion, el ga racomandà che i fesse tuto polito, parchè ghe zera le polìssie via par le strade, e la prima racomandassion zera che cada persona la podea comprarse solo cinque produti.
Dopo che tuti i ga fato le so compre, i ghe tochea passar ntela fiscalizasson. Santo Dio, quando che i ga verto la maleta de la tosa, i ga visto che la se gavea comprà  sete braghete. Alora el fiscal el ghe gà dimandà:
– Come cossita, tosa? Te savei mia che zera par comprar solo cinque? Parchè te ghè comprà sete?
– Ah – la ghe gà respondesto – Ze che vao maridarme, e ghin’ò comprà sete: una par doménega, una par luni, una par marti... Una par casa giorno de la stimana, pò...
Quando che i ga verto la maleta de a nona, i gà ciapà un spauron: la se gávea comprà dódese braghete.
– Como cossita, nona, parchè dódese braghete?
– Ah... – la ghe gà dito – Una  par  zanero, una par feverero, una par marso, nantra par aprile, e così vanti. Una al mese, pò...