Tute le volte che l’omo rivea casa, l’era na barufa cola dona

Tute le volte che l’omo rivea casa, l’era na barufa cola dona: o parché el rivea massa tardi, o parché el zera massa sporco, massa sudà... Sempre ghen era na scusa par barufar.
Alora, un vendre, dopo del laoro, col sentimento un pochetin romàntico, el ga pensà intrà de lu: “incoi ghe porto casa na orchìdea ala dona para veder se la contento. L’è ndà nte na fioricoltura e el ga comprà la meio orchìdea che’l ga catà:
– Negra, varda sol che bela orchìdea che te go portà casa!
– Ma quante volte me toca dirte che no me piase mia che i me dae fiori, che dopo toca star là darghe àqua tute le stimane.
– Ben, ma se te cati che l’è difìssile darfghe àqua, posso dàrghela anca mi.
– Cossa? Sito drio ciamarme de miseriona?
– Opa! Resta calma che incoi no vui barufar.
– Parché calma? Pénsito che mi sìpie stèrica.
– No te go ciamà de miseriona e gnanca de stèrica. E par ti veder che incoi no vui mia barufar, vuto mia vegher insieme ntela academia?
– Academia? Sito drio ciamarme de gorda?
– Chi ze che ga parlà de gorda? Mi no go mia parlà questo.
– Sito drio ciamarme de busiara?
– Ben, se no te vol mia vegher, stà casa.
– Ah, star casa, éh! Ti sempre in volta, e mi casa che gnanca na pora grama.
– Te sì drio meter parole ntela me boca, che mi no go mia parlà.
– Ah, mi son sempre quela che ghe donta na mùcia de sbéteghe; quela che parla dei altri, che fà intrighe onde no ghen è...
– Mi cato che l’è ora de fenirla par incoi. Ciapa le orgchìdie e impiàntele onde che te vui. Se te vol mia vegner insieme ntela academia, mi vao mi sol.
– Ah, te vol ndar ti sol, éh! Mi zera belche sconfiada che te ghin avei nantra. Tuti i giorni co sta academia, academia, academia. Adesso sò che academia che la ze. Te pol ndar ti sol che mi no go de bisogno de academia gnanca una. Mi sò mantegner el corpo sensa ndar tanto ntela academia guastar na mùcia de solti e restar cola pansa senpre pi sgionfa.