Un giorno caldo de copar zo i pedoci, ntela riva de la Sera che va su a San Paulo, Bepi el ga roto el caminhon.

Un giorno caldo de copar zo i pedoci, ntela riva de la Sera che va su a San Paulo, Bepi el ga roto el caminhon. Le desmontà zo, ciapà a cassa dele feramente par veder se lera bon de darghe un zeito. Quando che lera butà soto el caminhon, ze rivà là, par farghe la varda, un toseto de nove a dieze ani, un tipo ‘sgionfa penei’. Pena che Bepi el ga ciapà el martel nte’a cassa, el toseto el ghe ga dito:
– Me pare el ghin’à due martei compagni el tuo...
Bepi el ghe ga gnanca rispondesto, ma el ga sentio che lera el giorno de infiamarla. Quando che’l ga ciapà na ciave de boca granda, el toseto el ghe ga parlà:
– Me pare el ghin’à due ciave compagne quele lì...
Bepi lo ga sol vardà de stralòcio. Quando che’l ga ciapà la tanaia, el toseto de novo:
– Me pare el ghin’à due tanie compagne le tue.
E così, la stòria la ze ndata vanti: cada feramenta che Bepi el ciapea in man, el toseto sempre co la medésima parola: me pare el ghin’à due... Me pare el ghin’à due...
Alora, Bepi, che lera là tuto sudà, canso e sporco che gnanca un can moio, El verze la botega de le braghe, e el ghe dimanda al toseto:
– To pare ghin’alo due anca de questi?
– Nò – ghe ga respondesto el toseto –, me pare el ghin’à sol un, ma el val par due de i tui.