Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

Le Comare e i Morti

– Sacramegna, comare, gheto scoltà chi che ze morto, che i ga messonà là ntel campanil?

Sacramegna, comare, gheto scoltà chi che ze morto, che i ga messonà là ntel campanil?

– Dio Santo, son mia stata bona de capir, parché, giusto ntela ora, ga passà el camignon dela Prefeitura.

– Si, ma gheto visto che  dopo che ga scominsià che a maledeta de che a rogna li, ghin more un al giorno?!

– Ma varda che la covide li, l aze pròpio na rogna!

– Si, si, comare, se la va cossita, de qua un paro de ani,  no gh’è stà gnanca pi i morti ntel semitero.

– Èh, ma adesso ghin’è tanti che i se fa brusar, alora resta sol le sendre, che le ciapa poco posto.

– Mi nò, par intanto no vui che i me bruse.  E dopo, nel giorno del Giudìssio Finale,  quei che i se brusa, vali farse veder davanti el Segnor sol cole sendre?

– Noantri, intanto,  gavemo belche combinà che nessun dela nostra fameia vol brusarse. Par quela che semo ndrio far nantri due andari ntela tumba dei noni, che alora ghe stemo tuti.

– Si, ma gavio pensà che valtri si in quìndese fradei? E dopo vien anca le nore, insieme... Sarà che  ghe sté  tuti, mò?

– Nò, ma i fa cossita: dopo de due, trè ani che un l’è morto, i ghe tol su sol i ossi e li mete nte na casseta insieme co’nantro.

– Si, ma alora la vien fora compagna de quei che i se fa brusar.

– Come, cossita, comare?

– Si, parché ntel giorno del Giudìssio Finale, quando che sona le trombe, ntela prèssia, i pol sbaliarse, e torse su i ossi tuti misturai, un col’altro!

– Ben, ben, comare, se bisogna star qua preocuparse anca dopo che semo morti, saria meio gnanca morir de na volta...

– Digo anca mi, che la saria meio pròpio...

– Ben, ma vanti de là, gavemo tempo de pensarghe sora. Ciao, ciao, comare e steme ben...

– Ciao e steme ben anca vu...