El costume de sti ani l’era cossita...

El costume de sti ani l’era cossita: le tose le ndea insieme co le tose; e i tusi, insime co’i tusi. Ma ghen’era na fiola che no la volea mia savérghene; la zera sempre insieme co’i tusi. La mama la ghe comandea che la giugasse de boneca co le tose, ma ela nò: sempre co’i túsi a giugar a bola, a copar osei, a trar zo balete de palmiro, a magnar pumi de mato via pa i potreri, e così vanti.
Un giorno, sta tosa la ze rivada casa co’l vestito tuto sbregà. La mama la ghin’à dito su na strissa:
– Ma fiola, sito ndata onde sbregarte el vestito de che la maniera li?
– Mama, so ndata insieme co’i  tusi tor naranse, e luri i ga volesto che mi ndesse su pa naransara par trar zo le naranse, par quela che me gò sbregá tuto el vestito.
– Ma te si pròpio na stúpida de na imbambia. Te vidi mia che i tusi i te ga manda ti ndar su pa a naransara sol parchè i volea veder le to braghete, stúpida de na stúpida?
– Si bon, mama, pensio che mi sìpie pròprio imbambia cossita? Vanti de ndar su, me gò cava zo le braghete, mi...
Pròpio prevenida la ze stata...