Na volta, quà in Flores da Cunha ghe zera el sinema. 

Na volta, quà in Flores da Cunha ghe zera el sinema. 
Al sabo de note, ndava al sinema la gente granda; e a la oménega, dopo mezo giorno, ndava a gurisada e i tosatei. Che’l tempo là i ghe ciamea de ‘matinè’.
Alora, na doménega dopo mezo giorno, a nona la ga inconvidà i so trè nipooti pa andar veder un filme del Tarzan e la ghe gavea promesso che la ghe paghea la entrada. Quando che a ze rivada co’sti trè gorisoti, e che la ga volesto pagar, quel de la biglieteria el ghe ga parlà:
– Nona, no ocore mia pagar la entrada intiera par tuti trè. Quel più grando, chel ga le braghe fin metà gamba, el paga sol un fiorin. Che altro, un poco più picoleto, che’l ga le braghe fin i denoci, el paga sol quignento réi. E quel più picoleto, che’l ga le braghete curte, el paga sol duzento réi.
Alora, la nona, quando che la ga visto cossita, che i paghea de acordo co Le braghe che i gavea su, la ga saltà fora e la ga parlà:
– Si bon, ma’lora, se la ze cossita, mi vao rento par gnente!
La gavea razon anca la nona, parchè che’l tempo là, le fémene le doperea Le còtole longhe e le endea via sensa braghete e tuto resta tanto più fácile.