Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

La Fredolina

E el pedo ze che’l so omo el laorea de guarda-noturno, e squasi tute le note, intanto che lu ndea far la guarda, la Fredolina la gavea fato belche na bela freguesia

La Fredolina, se ben che la gavesse passà i quaranta ani, la gavea ncora tuto a posto, e ncora la ghe fea gola a tanta gente, ma la zera na fèmena bìscara che guai. La sbrissiea de più che na lumega. E el pedo ze che’l so omo el laorea de guarda-noturno, e squasi tute le note, intanto che lu ndea far la guarda, la Fredolina la gavea fato belche na bela freguesia. E squasi nessun savea gnente parche la fea el laoro ben fato e ben sconto.
Ma gà sucedesto che um bel giorno el so omo el gà ciapà na palmunia de colpo e el ghe gà tocà star casa due, trè giorni più. Ciò, ma nessun savea che l’omo lera casa e ela no la gavea gnanca telefon pa mandarghe dir a i freghesi che i stesse casa. Lora, quando che rivea qualche dun, la corea tender la porta e pa che’l so omo no’l gavesse desconfiansa, la  parlea ben forte, che tuti i podea scoltar:
– Rento, rento caro, che oncoi son tanto contenta che’l me omo l’è casa, parche el gà ciapà na pìcola palmunia. Vien veder come che  lu sta, mò.
E cossita la se gà schivà polito. E la stimana drio, quando che lu el gà guario de a palmunia e che l’è ndà laorar,  el ghe dizea de incontro a i so amici:
– Mi no savea mia nò che la me fèmena la me amea tanto cossita. Stimana passada, quando che son sta casa par via de la palmunia, quando che rivea qualche dun, la osea tuta contenta: El me omo l’è  casa... El me omo l’è casa...
È... no la zera tanto ‘fredolina’ nò...
Ma meio cossita: contento lu, contenta ela e contenti i freghesi.