Bepi, na volta, no se sà cossa che’l gavea magnà, che no lera bon de ndar de corpo

Bepi, na volta, no se sà cossa che’l gavea magnà, che no lera bon de ndar de corpo. Proa un sià... proa nantro, e gnente ciò. El volea mia guastar, ma, in fati, el ga resolvesto ndar al dotore, de a paura de crepar co la pansa sgionfa. El dotore lo ga zaminà polito e el ghe ga dato trè supositori. Bepi, el ga ciapà sti supositori, li ga vardà, li  ga vardà e el ghe ga dimandà al dotore:
– Ma esses comprimido, é pra tomar?
– Não! El ghega dito el dotore.
– O senhor pega e coloca no reto, um por dia.
– Bepi no el savea mia cossa che lera sto “reto”, ma par no farse passar de bauco, el ga tasesto. Co l’è Riva casa, el ghe ga dimandàa la so fémena: cossa che vol dir “reto” em portuguese.
– Ciò, negra, cossa vol dir reto?
– Reto vol dir, drito, pò...
– Si, ma come “drito”, se el dotore el me ga dito che ze pa impiantar i compridi ntel “reto”?
– Alora, mi cato, che el volea dir che ze pa impiantarli driti...
– Si, ma impiantarli driti, onde?
– Vuto che sàpie chè, mi? Vai là dimandarghe al dotore!
– E se el dotore el resta cativo?
– No’l resta cativo, nò. Ze la so obrigassion spiegarghe a la gente bauca che gnanca ti.
– Mi torno in drio, sol se te vien insieme, parchè mi gò paira che’l reste cativo.
Alora, Bepi e la so fémena, i ze tornai là del dotore.
La fémena la ze restada ntea sala de spera, e lu l’è ndato rento del consultòrio. Quando che’l ga visto el dotore, l’è restà tuto meso invergognà, ma el ga fato coraio e el ghe ga dimandà:
– Dotor, asso que non intendi direito onde é que é pra botar os comprimidos.
El dotore, che lera belche meso stufo, el ga visto che ghe volea  parlarghe ciaro.
– O senhor pega os comprimido, e enfia no traseiro, um por dia. Entendeu agora?
Bepi el ga fato i ociuni grandi. El gabio voia de darghe un pugno ntea fàcia del dodore.  El ga metesto i compriidi in scarsela, e l’è ndà via. Quando che’l se ga catà co la so fémena la ntela sala,  el ghe ga parlà:
– Te go mia dito mi, che’l dotore el restea cativo?
– Parchè, galo dito chè?
– El me ga dito che ze par ciapar i comprimidi  e impiantarli ntel trasero;  sito contenta adesso?...