Stimana passada so’ndà farme na consulta e el dotor el me ga mandà far na bateria de esami.

– Bon giorno, Toni, i me ga dito che no te stei mia tanto ben zeo vero?
– A son quà che gò na gamba che no la me iuta mia tanto, nò. Dopo de che a volta che son caisto zo pa sacala, le gambe no le ze mia pì quele. E ti come steto?
– Bem come disea la me porá nona: dopo de la sessantina, un male cada matina. Stimana passada so’ndà farme na consulta e el dotor el me ga mandà far na bateria de esami. So’ndà mostrárgheli al dotor el ga catà fora na mùcia de magagne. El ga dito che gò el costerol fora de a misura e la bubina massa alta. 
– Si, si... De pì che te vè dei doturi, de pì i te incata fora. Gò fin vergongna de contarte. El me ga fin mandà far un esame, un esame che el dotor el te impianta el deo par de drio. 
–  Maisomeno come palpar le galine?!
– Pròpio compagno. Ma mi so ndato farlo in Cassia, de un dotor che no lo cognosso gnanca. 
– È che el giorno de incoi, i fà  esami de par tuto. I te cata fora anca quel che no te ghè. L’altro giorno son ndà mostrarghe i esami al dotor, el me ga fin parlà de due zie. El me gà dito che gò la ‘Tia Bete’ (diabete) e la ‘Tia Reia’ (diarreia). La ‘Tia Bete’, magari, la cognosso, la ze quela che la ze de star la su al Paraná. Ma la ‘Tia Reia’, quela no la cognosso gnanca. 
– E mi, par via del costerol, el dotor el me ga dito che bisogna cuidarme ntel magnar. El me ga racomandà che i uvi, gnanca tocarli.
– Ah... Par quela che te camini co la gambe verte de che a maniera li...
– Sì, si... Bisogna cuidarme co i uvi... Pa’mor de Dio...