Na note, de tanta festa che i gà fato e de tanta bira che i gà bevesto, quando che le ndato dormir el se gà gnanca ricordà del bocal. 

Ghe’nera un tosato, na volta, che’l gavea un poblema cola bissiga. Tute le  note el ghe tochea levar su de leto sete o oto volte par pissar. Alora, pa restar più cómodo, el se gà comprà un bocal, e quando ghe saltea voia de pissar, el m etea e  man soto leto e no ocorea mia ndar la fora pissar su soto le piante. El bel ze, che’l se gà costumà tanto ben co’sto bocal che, in última, quando che ghe vegnea voia, el metea e man soto leto, el ciapea el bocal e el pissea sensa desmissiarse. Na belessa, pó.
Ma gà sucedesto che, un bel giorno l’è ndà zò ale praie, in Arreias Brancas, insieme co i so amici. I zera, maisomeno, in quìndese nte na caseta de trè quarti, e lu la ghe ga tocada dormir ntel belisse; lu ntela parte de sora e un amico suo, ntea parte de soto.
Na note, de tanta festa che i gà fato e de tanta bira che i gà bevesto, quando che le ndato dormir el se gà gnanca ricordà del bocal. 
Ciò, fora pa a note ghe ze vegnesto voia de pissar, e come che’l gavea el costume de meter e man soto leto par ciapar el bocal sensa desmissiarse, cossita el gà fato. Ma invesse de ciapar el bocal, el gà intivà giusto de ciaparghe ntea feramenta del so amico, che’l se gà desmissià nte un salto e el ghe gà dimandà:
– Cramenta, cossa vuto, ciò?
– Ah, gnente... Gnente... Scúseme... Volea sol pissar...
– Si bon – ghe gà dito che altro – alora pissa co’l tuo, nò co’l mio...