Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

El papagal del armasen

Sucede che ghen’era na freghesa bona, che la ndea tuti i dì là ntel’armazen a far le so compre.

Nte’un pícolo paese, ghen’era un armasen onde i vendea de tuto: roba de tuti i tipi, fasui, riso, patate, formaio, vin, azeo, bagna, sémole, mìglio, de tuto pó. Tuti i ndea là par far le so compre, parchè l’era el meio e el più grando armazen de sto paeseto. Ma sucede, che el paron el gavea un papagal inteligente, fursi pì inteligente del paron e che’l parlea tuto quel che i ghe insignea.
Sucede che ghen’era na freghesa bona, che la ndea tuti i dì là ntel’armazen a far le so compre. El papagal la vardea... La vardea... E quando che la era ndrio dar fora dea porta el dizea cossita:
– Ma che fémena bruta!
Ciò, sta parona la ndea via, ma co na voia de can de ciapar el papagal e cavarghe tuti i penoti che’l gavea su ncora, parchè l’era meso vecioto belche. Ma de tante volte che’l papagal el ghe gà dito sù, un bel giorno la ze ndata parlarghe al paron:
– Scolta quà na roba, – la ghe ga dito –  Mi son belche stufa de sentir el to papagal, che  tute le volte che vegno quà, a dirme che son na fémena bruta. Mi te digo sol na roba: la próssima volta che vegno quà, se’l me dize sù ncora, no vegno pì far compre quà.
Alora el paron de l’armasen l’è restà preocupà de perder na freghesa compagna e le ndà parlar co’l papagal. El ghin’à dito sù na strissa. E par l’último, el ghe ga dito che se’l parlesse nantra volta che la zera na fémena bruta, el ghe taiea via el col par far un brodo.
El papagal, che l’era inteligente el ga capio el perícolo. El giorno drio, quando che la fémena la ze ndata rento ntel l’armasen, el papagal la vardea par soto, la gà acompagnada par tudo onde che la ndea, e anca ela, magari, la stea atenta, con tute le due rece, par veder se che’l maledeto el parlea qualche cosa. El papagal el se gà tegnesto, fin che’l gà podesto, ma quando che la era ndrio dar fora dea porta, el ga mia parlà “Che fémena bruta”, ma el gà dito cossita:
– Ti te lo sè belche; no ocore gnanca parlar.