Dopo mezo-giorno i ndea sempre sentarse là ntela piassa par contársela del tempo de la giuventù, meter a posto le últime notìssie, parlar dela polìtica e altre robe de veci.

Stèfano e Giàcomo, due vecioti, che dopo de aposentadi i ze ndai de star al paese. Dopo mezo-giorno i ndea sempre sentarse là ntela piassa par contársela del tempo de la giuventù, meter a posto le últime notìssie, parlar dela polìtica e altre robe de veci.
Quando che passea qualche tosata, i fea sempre i so comentari.
Un giorno, ciò, i vede trè bele tosate, cavei longhi, gambe tonde, robe de perder el fià. Lora Stèfano el salta fora cossita: 
– Ma varda sol, Giàcomo, che roba sbaliada: quando che ièrimo giòvani, gavemo dato tanti tiri su pa i ciut, su par le passarete, e adesso che ghe saria che le bele colombe li, no gavemo gnanca più munission.
– Sol se te si tì, Stèfano, che te sì sensa munission, parchè mi dao i me tireti come se gavesse ncora disdoto ani.
– Va là, va là, Giàcomo, no sta dirme che le robe lì, che no ghe credo.
– Ben, alora dimàndeghe a me vècia, se ze vera o se ze buzie. Bem, sora che’l assunto lì, mi gò na roba par dirte che no ghe ze sbàlio:
– Garanto che l’è el viagra!
– No l’è viagra, nò, l’è na roba tanto più barato e che te la gh’è casa.
– Cossa zeo, alora?
– Varda, se te vol mantègnerte de acordo, bisogna magnar tanto pan.
– Si bon! Pan, mi ghin magno tuti i giorni.
– Ma mi gò dito che bisogna magnàrghene tanto, almanco cinque ciope AL giorno. Te vedarè come che’l vien duro!
– Sito securo, Giàcomo?
– Ben, alora proa, e dopo te me contarè.
Ciò, vanti de ndar casa, Stèfano el và la de la padaria e el ghe dimanda a la tosa che’l vol dieze paneti de pan de quei de colônia, ben grandi. Alora la tosa de la padaria la ghe dize:
– Olha, nono, que vai ficar duro, é!
– Ma si, querida, ze próprio par quela... Vol dir che’l compare Giàcomo el gavea razon pròpio! Alora dàmene nantri dieze, porco cane, che vui veder se, sta volta, incontento la nona...