Te pol parlar con qualùnque viúvo o qualùnque viúva, sempre i parla  che’l  più  grande  sentimento che i sente, la ze La recordassion, La saudade...

Te pol parlar con qualùnque viúvo o qualùnque viúva, sempre i parla  che’l  più  grande  sentimento che i sente, la ze La recordassion, La saudade...
Na volta, ghen’era na viúva che la gavea tantíssima saudade del so omo che fea belche  oto ani che l’era morto. Alora, un giorno, la comare la ghe gà dito:
– Se te ghè tanta saudade cossita del to omo morto, par chè che no te vè mia là ntel centro spírita, che i deze che se pol parlar coi morti?
– Orco de un cane, seto che te me ghè dato na bona idea!
Alora, na note che ghen’era la reunion ntel centro spírita, la ze ndata. I la gà recevesta  polito, i ghe gà prontà tuto quel che ghe volea, i la gà metesta rento nte un quartin  scuro, e de là un pochetin de tempo che la zera lì, la gà scoltà na ose de un omo che parea pròpio la ose Del falecido.
– Sito ti, querrido?!
– Si, che son mi.
– E come steto?
– Ah, stao ben che mai...
– E sito felice?
– Tanto, tanto felice.
– Sito più felice de quando che te zeri insieme co mi?
– Tanto, tanto più felice...
– M’alora, cónteme come che l’è el paradiso!?
– Chi ze che te ga dito che mi son in paradiso? Son quà ntel’inferno insieme co i diàgoli, contento che mai.