Alex Eberle e Ivo Gasparin

Alex Eberle e Ivo Gasparin

Parla Talian

Ivo Gasparin - Graduado em Filosofia e Pós-graduação em Letras, Ivo Gasparin é professor de Língua Portuguesa e Literatura Brasileira. Com o pseudônimo de Tóni Sbrontolon, é colunista e autor. Dentro da música, destacou-se como fundador e componente do Grupo Ricordi.

Contatos

Con besteme o sensa besteme...

El me gà conta che  Gigeto Coloda lera quel che’l gavea na careta de mule e che’l ciapea i sassi ntea pedrera par menarli fin ntel camignon de Toni Soldatelli.

Ntel final de stimana quà, me gò catà co’l Frei Manuel e gavemo parlà un poco de tuto e el me gà contà diverse stórie quà de Flores da Cunha, ma la meio de tute la ze  stata la stòria de quando  che i gà fato su  el campanário. El me gà conta che  Gigeto Coloda lera quel che’l gavea na careta de mule e che’l ciapea i sassi ntea pedrera par menarli fin ntel camignon de Toni Soldatelli. E chi che comandea tuto,  lera el Frei Eugênio. Tuti i giorni el ghe dea na garafeta de caciassa a Gigeto, ma che’l podea béverla sol vanti sera.  Alora, sto Frei Eugênio ndea là ntea pedrera par veder i sassi e par veder  se ghe manchea qualche cosa.
Ghe ze stà un giorno,  che’l Frei Eugênio lera là ntea pedrera e Gigeto el gavea a careta carga de sassi. Ciò, co’l peso dei sassi, no ghen’era cristi che le mule le movesse la careta. E Gigeto che’l osea:
– Vai muuule, vai...Vomo, vomo...
E le mule,ciò, que le fea forsa, e gnente de móver la careta. Alora el Frei Eugênio el ghe gà dimandà a Gigeto:
– Cossa gale ste mule que no le tira?
– Ah, Padre, ghe manca sol na roba.
– Cossa ghe mánchelo, mò?
– Ghe manca besteme, Padre. Sol besteme ghe manca, Padre!
– Ben, ben – gà dito el Frei Eugênio – Con besteme o sensa besteme, mi me ocore i sassi.
– Alora, Padre, sarì le rece.
Quando che’l Frei Eugênio el gà sarà le rece, Gigeto el gà tacà tirar zo na fila de porchi e le mule le gà dato na rancada e la careta la se gà invià. Sì, parchè quando che le mule se sentia Gigeto bestemar, le savea che vegnea zo bastonade.