I dise che tuti i giorni bisogna magnar un massan par via del ferro e na banana por via del potássio e anca na naranssa par via dela vitamina C

I dise che tuti i giorni bisogna magnar un massan par via del ferro e na banana por via del potássio e anca na naranssa par via dela vitamina C. Na cícara  de siá verdo sensa súchero par prevenire el diabete.
Tuti i giorni ghe volaria bever due litri de àqua, bever un Yakult par via de i lactobassili che no  sò gnanca cossa che i ze.
Tuti i giorni na Aspirina par prevenire l’afano. Un bicer de vin bianco  e un negro par stabilisar i nervi. Un bicer de bira...me recordo gnanca pì parchè, ma la fa ben. 
Tuti i giorni bisogna magnar tante fibre, e magnar, al meno, 6 volte al giorno e mai desmentegarse de mastegar, al manco, 100 volte cada sboconada...vol dir che par magnar ghe volaria in torno de 5 ore. E no stà de desmentegarte de scovar i denti dopo de cada magnar.
Ah...bisogna dormir oto ore cada note e laorar nantre oto. Vol dir che oto par dormir, nantre oto par laorar e nantre sinque par magnar, l’è ze vinti una ora. Ghin vansa sol trè ore par fenir el giorno. E ghe vol far na caminhada de na mesa ora...E bisogna darghe atenssione ai amici, che i disse che i amici i ze che gnanca na pianta: ghe vol darghe àqua se nò i more. Ghe vol leder due o trè giornai e veder el notissiàrio...e sobrar tempo par scoar a casa, lavar roba, far de magnar, lavar i piati e tender i gati e el can, parchè sensa un can ou gato te ghè depression. 
Par le me conte, ghe volaria vinti nove ore al giorno. Ma go pensà na solussion: tomar bagno de boca verta che alora te bevi àqua, te magni el massan, la naranssa, la banana, te  scovi i denti, te bevi i comprimidi che ghe vol, te ciami la to fémena par dirghe “io ti amo”,  e te ciami i to  amighi, el sogro e la sogra par parlar intanto che te tomi bagno.
Ben, se te ghè un fiol pícolo, alora te si ciavà, parchè ghe vol na mùcia de tempo, sol drio lù.

Inspirado num texto de L.V.Veríssimo