Un sabo, dopo mezo giorno, ghe nera un ciùco, là sentà tel banco de a piassa, che’l fea finta de leder un giornal.

Un sabo, dopo mezo giorno, ghe nera un ciùco, là sentà tel banco de a piassa, che’l fea finta de leder un giornal. Come che’l vigàrio lera ndrio far la so caminada, el gà intivà de passar pròprio la darente onde che lera el ciùco, e el gà pensà intrà de lu: “questa la ze na bela oportunità de mostraghe a la gente che un ciùco l’è un cristian come noantri”. El gà ciapà e el se gà sentà darente el ciùco che ncora lera ndrio leder el giornal. De là un pochetin, el ciùco lo gà vardà, mezo de stralòcio, e el ghe gà dimandà: - Padre, mi son preocupà e volea saver cossa che la ze sta malatia de la trombose? Lora el vigàrio el gà pensà de darghe na bela lession, e el ghe gà dito: - La trombose, caro, l’è un castigo de Dio el ghe manda a na persona che gnanca ti. Chi che ciapa la malatia de la trombose, l’è na persona che beve tanto, sensa responsabilità, sensa compromissi co nessuni, che no laora mia, e che no gà rispeto co la società. Ciò, el ciùco el se gà voltà par che altra banda e l’è stà chieto, co la testa bassa a pensarghe sora cossa che’l vigàrio el gavea dito. Dopo de um cinque minuto, quando che’l vigàrio el gà visto che’l ciùco lera là ncora chieto e tristo, el se gà fin pentio de le robe pesade che’l ghe gavea parlà, e el ghe gà dimandà: - No ocore mia che te resti tristo cossita. Quanto tempo zeo che te ghè la trombose? - Nò, nò, padre, mi no gò mia trombose nò... El giornal quà el dize che, chi che gà la trombose, l’è el vèscovo de Cassia.