Quando che’l nono el gà sentio che lera belche ndrio morir, el gà volesto parlar co la nona parche el gà sempre bio na pìcola desconfiansa. Lora el ghe gà dimandà cossita:

Quando che’l nono el gà sentio che lera belche ndrio morir, el gà volesto parlar co la nona parche el gà sempre bio na pìcola desconfiansa. Lora el ghe gà dimandà cossita: - Varda, vècia, mi no vui morir sensa dimandarte na roba. - Si, si, vècio, te pol parlar. Cosa vuto saver? - Mi vui che te me dìzi a verità: quante volte te me ghè tradio? - Maria Santìssima, vècio, cosa sito ndrio dir? - Dime la verità, vècia, parche ghe ne stà tanta gente che me gà parlà... - Ben , ben, vècio, se a zé cossita, lora mi te conto la verità: te gò tradio solo em trè oportunità. - Savea mi che a zera cossita! Quanta gente che me parlea, e mi no credea. Bruta sensa vergogna! Mi la pacìfico co i corni longhi, e tuti che i me ridea drio... Adesso si me toca morir dal bon... - Pian, vècio, pian... No stà lamentarte cossita, che tute le volte che mi te gò tradio, te gò tradio sempre per amor. - Come cossita, per amor? - Speta che te conto: la prima, ze stà che a volta che te volei l’aumento del salàrio te a fàbrica, e che no ghe zera maniere che’l paron el te desse l’aumento. Lora mi s’on ndata parlar co’el paron, e lu el me gà dito che’l te dea l’aumento del salário, se mi ndesse tel motel insieme con lu... - Par quela l’è stà anca massa bon, parche el me gà dà un bel aumento. - La seconda, vècio, l’è stà che a volta che i te gà ciapà ndrio sfrugnar te i papei de l’escritòrio, e che i te gà cusà che te zeri ndrio robar. Lora s’on ndata parlar nantra volta co el paron, e lu, par perdonarte, el me gà impegnà nantra volta pa ndar tel motel. - E la ùltima, vècio, l’è stà che’l colpo che te zeri candidato a vereador, e che te me ghè dito che, par le conte che te gavei fato, ghe manchea solo quaranta trè voti. E lora, te pol saverla che i quaranta trè voti s’on stata mi conchistarli, e par quela che te ghè guadagnà par quaranta trè voti. Te recòrdito? Lora l’è stà el colpo che’l vècio el gà batesto i stivai...Ma la zera próprio bona de vòti, è !? Ncora bem che ghe manchea solo quarante trè...