Te che l’altra stimana go contà sora la stòria de Bepi...

Te che l’altra stimana go contà sora la stòria de Bepi, che no’l volea mia segar a legna pa no guastar i denti del segoto, ma no la go mia fenia gnancora.
Alora, ve recordì che Bepi el gavea un fuca ano sessanta e che’l volea vénderlo parchè el dizea che’l guastea massa gasolina, ma la so dona, la Pierina, che la zera sempre meso malada no la volea mia vender el fucheta, parchè, de le volte, Bepi el ghe tochea menarla nte l’ospedal. Ma, un bel giorno, la Pierina la ga bio un atache e la ze restada morta, seca che gnanca un budel stirà.
Bepi el savea che quando che moria qualche dun de’a fameia, bisognea meter nte’l giornal parchè tuti i vegnesse saverlo. Alora l’è ndà del giornal O Florense par meter la nota del’òbito de la so dona, la Pierina, ma come che l’era un tiran de quei pedo che ghe ze, no’l volea mia guastar tanto.
L’è rivà là nte’l giornal, e el ghe ga dito a la tosa:
– Eu quero botar in cima do zornal, que moreu a Pierina, a minha mulher.
– Pois não – ghe ga dito la tosa del giornal – quais são os dizeres que o senhor quer colocar?
– Non, eu non quero dizer nada, eu só quero que a senhora escreve in cima do zornal que a Pierina moreu, pra todos ficar sabendo.
– Sim, sim, eu entendi... Mas o que é que o senhor quer que a gente escreva?
– Bota assim: “Pierina moreu entero amanhám.
– Só isto?
– Si, si, só isto... eu non posso guastar muito, que zá gastei un monton c’o casson e co’a fonenária.
– Mas para colocar qualquer anúncio, o Jornal exige no mínimo oito palavras.
Alora Bepi el ga pensà... el ga pensà... el ga pensà... El ga fato le conte... e el ghe ga dito a la tosa:
– Bom, inton se precisa de no menos oito palavras, bota assim: “Pierina moreu, entero amanham, vendo fuca ano sessenta”.
E cossita, sol te na pegada, el ga fato tuto...