Te na pìcola cità de alemani, ghe nera due religione forte: la catòlica e la protestante.

Te na pìcola cità de alemani, ghe nera due religione forte: la catòlica e la protestante. El vigário dei catòlichi e el pastor dei protestanti, se ben che i fusse de religione difarente, i zera tantìssimo amici. Ma tanto el vigário come el pastor, i ghe piasea de soldi, e tute le stimane i se catea par parlar de la ciesa, dei parochiani e specialmente par saver se le elemòsine le zera ndrio ndar meio o pedo. Un giorno i zera ndrio contàrsela, e anca lamentarse che i gavea la obrigassion de mandarghe na quantità de soldi ai superiori: el vigàrio i ghe le mandea al vèscovo, e el pastor i ghe le mandea al so superiore dela capitale. Lora, el vigário el ghe gà dimandà al pastor: - Quanto par cento de soldi te toca mandarghe al superiore? - Mi fao cossita - ghe gà dito el pastor protestante – ciapo um bacheto, fao na pìcola circunferenza in tera, e quando che vien un bel colpo de vento, ciapo la sbranca dei soldi de papel de elemòsine e i trao par’ària: quei che i casca rento della circunferenza i zé del me superiore; e quei che i casca fora della circuferenza, i ze mei. E ti, come feto pa spartirli? - Mi fao cossita - ghe gà respondesto el vigàrio: ciapo tuti i soldi de elemòsine e i trao par’ària: queli che’l Signor i ciapa i ze quel i che i ghe mando al véscovo, e queli che i casca in terá, i ze mei.