Se pol dir che Bepi e Bartoldo i zera due trapei, parche i zera sempre ndrio farse dispeti un co l’altro.

Se pol dir che Bepi e Bartoldo i zera due trapei, parche i zera sempre ndrio farse dispeti un co l’altro. Bepi lera magreto, gambe fine, oci fondi. Tanto che Bartoldo lo ciamea de Bepi Stanga. Bartoldo, par che altra parte, el pesea de più de cento e vinti chili. Bepi lo coionea e lo ciamea de Bartoldo Balena. Dopo de tanto che i se cognossea, un giorno Bartoldo el ghe dimanda a Bepi: - Bepi, dime na roba: come che te si sempre magreto cossita? - Te sè, Bartoldo, che mi son scàpolo, soltero, e che son de viver mi solo là te la me caseta. Lora, come che son scàpolo, co rivo casa de a firma, vao drito te a zeladera, e come no ghe ze mai gnente de bon, vao drito tel quarto, me buto zo te leto e dormo... Par quela che son magro cossita, parche no cato mai ghente magnar de a zeladera... Ma e ti, parchè che te si gordo de che a maniera li? - Ze parche mi fao el raverso de ti. Come che son maridà, co rivo casa de a firma, vao drito tel me quarto, me buto te leto, e come no ghe ze mai gnente de bon, vao drito te a zeladera e magno tuto quel che ghe ze rento. Par quela che son gordo cossita.