Toni el  se sprosiava tanto,  parché l’era  amico del dotor dela cità, parché  i zera stai compagneri de scola

Toni el  se sprosiava tanto,  parché l’era  amico del dotor dela cità, parché  i zera stai compagneri de scola.  E el dotore el ghe volea ben a Toni parché el ghe piasea anca de parlar in talian. Ben, i zera fin compari de casamento, parché la fémena de Toni la zera stata la prima morosa del dotore nel tempo de scola.
Un giorno, Toni, el  ghe ga telefonà  al dotor:
– Aló!
– Pronto!
– Quà  son  mi, dotor, el to compare  Toni!
– Bona nota, Toni, come che la và? 
– Maijomeno, dotor, parché go un pìcolo poblema de risòlver.
– Ma che problema, Toni?
– El poblema ze,  che’l me fiol più vècio el se ga russà cola empregada, e el ga ciapà na malatia  cativa.
– Ma no ghe ze problemi, Toni! No stà preocuparte. Dighe che’l passe qua che mi ghe dao na riceta de pìrole de antibiòtichi e pronto. Nte na stimana el resta meio. Ma bisogna dìrghelo che la empregada la ghe toca, anca ela, a bever zo le pìrole, parché son securo che la ga ciapà la malatia anca ela.
– Porco zìone, dotor! 
– Cossa ghe zeo, adesso?
– El poblema ze,  che me ga sbrissià a sinela, e anca mi me go passa cola empregada. 
– Segnor benedeto, Toni, anca ti?
– Ma si, dotor!  L’è  stà un colpo de fiachesa. E dopo te ghè visto  la  empregada che gavemo!..
– Ben, ben... alora se a ze cossita, te toca bever le pìrole anca ti. 
– Ah, ma sacramegna, dotor, adesso si son ben ciapà!
– Cossa gheto de dirme, adesso?
– Ze,  che dopo che so’ndato cola empregada, so’ndato anca cola me fémena. E se la ze come te disi,  la ga ciapà la malatia anca ela. 
Alora,  el dotor, che l’era “amigo ìntimo”, de la fémena de Toni ancora nel tempo de scola, el se ga metesto e man ntea testa e el ga pensà:  se la ze cossita, me toca bever le pìrole anca mi, porco cane...