Na volta, São Piero el se gà metesto in testa, che tuti quili che i revea ntela porta del paradiso, se i volesse ndar rento, i ghe tochea risponder trè induvinele.

Na volta, São Piero el se gà metesto in testa, che tuti quili che i revea ntela porta del paradiso, se i volesse ndar rento, i ghe tochea risponder trè induvinele. E se i sbaliesse qualche duna, i ghe tocaria ndar driti a l’inferno.
Gà sucedesto, che un aleman e un brasilian i ze rivai insieme, ntela medésima ora. Alora, São Piero li gà ciamai tuti due e el ghe gà spiegà che pa ndar rento in paradiso, i ghe tochea, prima de tuto, risponder le induvinele.
– Ben – gà parlà San Piero – scumissiemo co l’aleman, parchè i alemani i ze gente pi studiai, e no i gà mia la testa sporca come i brasiliani.
– Prima induvinela: em que posto zè, che le fémene la gà i cavei de più rissi?
L’aleman el gà pensà, el gà pensà, e el ghe gà respondesto: ntela África.
– Giusto – ghe gà dito San Piero.
– Seconda induvinela: cossa zè che le fémene le gà in mezo le gambe?
– I denòci – ghe gà respondesto l’aleman, sensa tanto pensar.
– Giusto!
– Tersa e última induvinela: che roba zela, che le fémene maridae, le a gà pi larga che le fémene scápole (solteiras)?
L’aleman, che’l savea che no dava mia par pensar robe sporche davanti San Piero, el gà pensà due, trè minuti, e el ghe gà respondesto: el leto (a cama).
– Giusto, aleman. Te pol ndar rento in paradiso. Adesso l’è el colpo del brasilian.
Ma, in te quela, el vede el brasilian ndrio ndar via. Alora San Piero lo gà ciamà.
– Ciò, brasilian, vie quà, che se te vol ndar rento in paradiso te toca risponder le trè induvinele. Sito ndrio ndar onde?
– No adianta, San Piero – ghe gà respondesto el brasilian –, gò belche visto che me toca ndar a l’inferno, parchè le induvinele che gavì fato a l’aleman, mi le gavaria sbaliae tute trè. No adianta gnanca proar.
È... Mi cato che anca ti, che te gh’è fenio de leder questa stòria, te tocaria ndar a l’inferno... Proa dirme la verità?!