Na volta, quá in Flores da Cunha ghe zera el sinema. Al sabo de note,

Na volta, quá in Flores da Cunha ghe zera el sinema.
Al sabo de note, ndava al sinema la gente granda; e a la doménega, dopo mezo giorno, ndava a gurizada. Che’l tempo lá i ghe ciamea de “matinè”.
Alora, na domenega dopo mezo giorno, a nona la ga inconvidà i so tre neti pa andar veder un filme de Tarzan e la ghe gavea promesso che la ghe paghea la entrada. Quando che a ze rivada co’sti trè gorizoti, e che la ga volesto pagar, quel de la biglieteria el ghe ga parlà:
- Nona, no ocore mia pagar la entrada intiera par tuti tre. Quel più grando, chel ga le braghe fin metà gamba, el paga sol un fiorin. Che altro, un poco più picoleto, che’l ga le braghe fin i denoci, el paga sol quignento réi. E quel più picoleto, che’l ga le braghete curte, el paga sol duzento réi.
Alora, la nona, quando che la ga visto cossita, che i paghea de acordo co le braghe che i gavea su, la ga saltà fora e la ga parlà:
- Si bon, lora se a ze cossita, mi vao rento par gnente!
La gavea razon anca la nona, parchè che’l tempo la, le fémene le doperea le còtole longhe e le endea via sensa braghete.

*Ivo Gasparin