Nte un pìcolo convento de móneghe...

Nte un pìcolo convento de móneghe, ghen’era la Madre superiora che la zera cativa che gnanca na brespa rossa. Le moneghete, pore can, le gavea na paura de la Madre che le se pelea tute.
Na matina bonora, pena levade su de leto, là che le se pariciea pa ndar a messa, la Madre superiora, ciò, la ze levada su tuta contenta che mai. Co la se ga catà co la prima monegheta ntel coridor, la ga saludada tuta entusiasmada, ridendo
– Bon-giorno, Maria do Rosário! Che bela giornada che’l Segnor el ne ga mandà incoi.
La monegheta la se ga fin remirà de veder la Madre contenta de che a maniera li, la ga sbasà zo i oci e la ga tacà rider e la ze ndada via.
De là nantro pochetin, la Madre la se cata co nantra monegheta e la ghe dize ridendo:
– Bon-giorno, irmán da Sagrada Face, che bel giorno de sole per cantare lodi al Segnore.
La monegheta la ga fin ciapà un spauron de veder la Madre contenta così. La ga sbasà zo i oci e la ga tacà rider.
Ciò, la Madre la ga catà de strànio che quando la saludea le moneghete e che le sbasse zo la testa, le scumissiea rider. Quando che la se ga catà co la irmán Càrmine, la ghe ga dito:
– Bon-giorno irmán Cármine. Incoi mi son tanto contenta che mai. Ma dime sol na roba: parchè che tute le moneghete che saludo, le varda in zo e le scumìssia a rider?
La irmán Càrmine la ga vardà i zo e la ga tacà rider anca ela, e la ghe ga respondesto:
– Querida Madre, le ga ridesto parchè le ga visto che ve gavì metesto su, ntei pie, le sinele del Padre Capelon.
Quando che la Madre la ga visto che la se gavea metesto le sinele del Padre Capelo, che’l dormia ntel convento, la ga sol dito cossita:
– Maledeta prèssia!
La z’era cotenta si...