Bepi e Toni i zera là nte a bodega che i se a contea. Alora Bepi el ghe parlea a Toni:

Bepi e Toni i zera là nte a bodega che i se a contea. Alora Bepi el ghe parlea a Toni:
- Ciò, Toni, gheto visto ntel televison che gà storà el cano del petrólio soto el mar? E gheto visto quanto petrólio che ze ndrio spader via pa’l mar?
- Si... ma no sò onde che i gà a testa de ndar sfrugnar la zo in fondo squasi due chilómetri soto àqua.
- Mi no sò onde che ndemo fenirla, è...Cada giorno se vede uma pedo de che’altra. Se pol dir che’l mondo l’è de gambe par’ária. Dopo gheto visto che i seita molar foghetuni su par de là? Mi no só onde che i vol ndar, è...
- Che a volta là che i volea ndar su in paradiso co’a tore de Babel, el Segnor el gà belche dito lu, che no adianta voler ndar in paradiso sensa pregar e sensa far polito, e sensa volerse ben.
- Si, si, i seita molar foghetuni nte a luna fin che un giorna i la spaca ncora.
- Ciò, Bepi, vuto mia che bevemo na bira?
- Si che a bevemo, porca putana.
I gà ciamà la el bodeghero e Toni el ghe gà dimandà:
- Quanto cóstela na bira?
- Un real.
- Solo un real? Come che’l to paron, l’altro giorno, el me gà cobrà quatro reai?
- Parche, sta ora, el me paron el gà dato na saída. E mi sò che quando lu el và via quà de a bodega, el và la casa co la me dona. Mi lo sò parchè i vizigni i me la gà belche contada. Alora, mi fao cossita: Fin che lu l’è la a casa mia ndrio ciavarme co la me dona, mi lo ciavo quà nte la so bodega, e vendo la bira a un conto de rei cada una. Ciavà mi, ciavà anca lu...