Ghen’era un, na volta, che’l gavea na devossion granda a l’Àngelo Costode. Tute le gràssie che’l gavea de bisogno, le ghe dimandea sempre a so Àngelo. Un giorno, l’era ndrio ritornar del laoro, el ga sentio na voce che la ghe ga osà:

Ghen’era un, na volta, che’l gavea na devossion granda a l’Àngelo Costode. Tute le gràssie che’l gavea de bisogno, le ghe dimandea sempre a so Àngelo.
Un giorno, l’era ndrio ritornar del laoro, el ga sentio na voce che la ghe ga osà:
– Fèrmete!
Lu el se ga fermà de colpo e, in te quela, un maton el ghe ze cascà ben davanti a so fàcia. Squasi che’l ghe casca in sima a testa. El ga catà de strànio, ma el se ga pensà suito che l’era l’aviso de l’Àngelo Costode.
Depo che’l gavea caminà nantri diese metri, nantra volta el ga sentio la voce strània:
– Fèrmete!
El se ga fermà de colpo, e un camignon sensa trava, tuto desgoverna el ghe ga passà davanti, a tuta a carera. Robe che lo schice. Alora, tuto spaurà el ga osà forte:
– Pa’mor de Dio, dizeme de chi che la zè sta voce che la ze ndrio difénderme e iutarme?
– Son mi, caro da Dio, el to Àngelo Costode, che go la mission de ténderte. E adesso che te gh’è la oportunità de parlar con mi, te pol farme qualche dimanda che te vui saver.
– Par dirte la verità, go sol na dimanda de farte: onde che de zeri nel giorno che me go maridà, che no te me gh’è mia avisà che mi zera ndrio cascar ntea boca de na giralaca?