El cara l’è ndà del dotore parche no’l se sentia mia tanto ben. El dotore, dopo de farghe diversi ezami, el ghe gà dimandà:

El cara l’è ndà del dotore parche no’l se sentia mia tanto ben. El dotore, dopo de farghe diversi ezami, el ghe gà dimandà: - Fùmito ncora? - Ah... qualche sigareto... na volta a stimana... - Bisogna che assi là de fumar anca el sigareto. Bévito tanto? - Un mezo bicereto de vin, tel magnar... - Bisogna che te assi là de bèver. E sexo, ghin feto tanto? - Pochetin anca quel. Fursi na volta al mese. - E remèdi? - Bevo sol remédi caséri. Mai comprà te a farmácia. - Ben, lora se te vol star meio de tuto, bisogna che ássi de bèver i remédi caséri, e far tanto sexo. Te la to età, gnente de remédi caseri, e tanto sexo. Ciò, l’è ndà casa tuto contento e el ghe gà contà a la so dona quel che’l dotore el gavea racomandà: gnente de remèdi casèsi, e far tanto sexo. Lora el ghe gà dito a la fèmena che’l volea scumissiar sùbito, e par quela l’è ndà tomar bagno. La fèmena, ciò, tuta contenta anca ela, la se gà enfeità come na regina, passà perfume da par tuto, glostora, pintà i làvari, la se gà metesto su el meio baby-doll che la gavea, e la zera belche là te leto che la spetea. Lu le vegnesto fora del bagnero, el gà scumissià vestirse co le meio robe de festa. Fin la gravata el se gà metesto su. Lora la fèmena la ghe gà dimandà: - Onde veto vestio de festa? - Gheto mia scoltà cossa che gà dito el dotore? - Si che gò scoltà, par quela che son quà pronta... - Ah, nó, cara! El dotore el gà dito che remédi casèri, nò. Gnanca parlar... È... cada un capisse come che a ghe par meio...