Sti giorni in drio, quando che Tóni l’era ndrio vegner fora del Banco del Brasil, el gà visto un poareto tuto sbregà su, sporco, co a barba longa, e el gà bio pecà de sta pora ànima, e come che l’era Vendre Santo, el gà pensa che saria um bel giorno de far na obra de misericòrdia, e l’è ndà dimandarghe se’l volea qualche aiùto. Lora, el poareto el ghe gà dimandà a Tòni che’l ghe paghesse un cafezinho.

Sti giorni in drio, quando che Tóni l’era ndrio vegner fora del Banco del Brasil, el gà visto un poareto tuto sbregà su, sporco, co a barba longa, e el gà bio pecà de sta pora ànima, e come che l’era Vendre Santo, el gà pensa che saria um bel giorno de far na obra de misericòrdia, e l’è ndà dimandarghe se’l volea qualche aiùto. Lora, el poareto el ghe gà dimandà a Tòni che’l ghe paghesse un cafezinho. - Nò, nò – ghe gà dito Tóni – vien quà che te pago un panduice (sanduíche). - Mi vui sol um cafezinho - ghe gà respondesto el poareto. - Ma lora ndemo là te a bodega che te pago un biceroto de vin. - Mi no gò mia el VÌCIO DE BEVER; mi vui sol un cafezinho. Quando che Tóni el gà visto cossita, el gà tirà fora a cartera de i sìgari, e el ghe gà oferecesto um sìgaro. - Mi no gò mia el VÌCIO DE FUMAR; mi vui sol un cafezinho. Quando che Tóni el gà visto che l’erano um omo bom, che no’l gavea vìcio gnanca de bever e gnanca de fumar, el gà pensà de menarlo là de la casa lotèrica e farghe un giùgo te a loteria, che de volte no’l gavesse la sorte granda. - Mi no gò mia el VÌCIO DE GIUGAR; mi vui sol un cafezinho. Tóni el gà perso la paciéncia e el ghe gà dito cossita: - Lora vui che vègni la casa che la me fémena la te fà um bon cafezinho e vui che ela la te vede. - Ma parchè che te vui che la to fèmena la me vede? - Parche la ze sempre ndrio dirme su par via che gò el vìcio de bever, de fumar e de giugar; lora vui che ela la te vede par che la sàpia come se ciapa un omo che no gà vìco gnanca un.