Nàni e Bèpi, tute le stimane i se catea te a bodega par giugar le carte. Sempre pacìfichi, sempre contènti, parche la vita la ndea ben.

Nàni e Bèpi, tute le stimane i se catea te a bodega par giugar le carte. Sempre pacìfichi, sempre contènti, parche la vita la ndea ben. Un giorno, Nàni el gà catà che Bèpi lera massa contento. No lo gavea mai visto de che a maniera li. - Cossa gheto, Bèpi, che te si contento cossita? - Ma tàsi, Nàni, che me gà sucedesto la meio. Te sè che’l mese passà, el nono l’è morto de un afano. - Si, ma e sito contento parche el nono l’è morto? - Son contento parche el nono el gavea sconto trezento mila cunti soto el paion. E lora, dei trezento mila cunti, mi son restà con cento e novanta due mila, de eredità, che mi son l’ùnico nevodo vivo. - Ciò, ma che sorte, Bèpi! Te sè che mi gavea sempre na desconfiansa che’l nono el gavea soldi scunti, parche el gà fato tanto vin e no’l guastea mai um fiorin, gnanca par bèver na bira. Passai due mesi, e nantra volta Nàni el cata Bèpi de più contento ncora. - Cossa gheto che te si contento oncoi? No stà mia dirme che ghe nè morto qualche dun de a fameia e el te gà assà soldi nantra volta!? - Te a ghè pròprio induvinada, Nàni. Stimana passada gheto mia sentio dir che el me zio Gioanin, la su del Paranà, l’è morto? - Si che gò sentio dir. - Ben, te sè che’l gavea fazende, olarie, serarie! Ma, come che lera soltero, i gà fato la division de la eredità, e da me parte, a me a gà tocada cento e novante trè mila cunti. - Si, ma se la và cossita, Bèpi, no ocore gnanca più laorar? Passsai nantri sei mesi, Nàni el cata Bèpi desanimà, tristo, nervoso... - Cossa gheto, Bèpi, che te si tristo cossita? - Son tristo e preocupà, parche belche passà sei mesi dopo che le morto el zio la su de Paranà, e no vedo segnal gnanca un che possa morir qualche dum de a fameia par ciapar la eredità. Gò dato na vardad par sora, ma, par intanto, i ze tuti ben de salute. Par quela che son preocupà, caro Nàni...