El nono, de setanta oto ani, l’è ndà del dotore, e come che’l dotore lera um grande amico suo, el gà fato coraio de dimandarghe se zera vero che’l viagra el fea miràculi.

El nono, de setanta oto ani, l’è ndà del dotore, e come che’l dotore lera um grande amico suo, el gà fato coraio de dimandarghe se zera vero che’l viagra el fea miràculi. - Si, si - ghe gà dito el dotore - se te ghin bivi zo un, te resti come se te gavessi disdoto ani. - Si – ghe gà dito el nono - ma còstelo quanto? - L’è mezo caro, par quela: el costa otanta cunti cada comprimido. - Maria Santíssima! Otanta cunti? - É... otanta cunti cada comprimido. - Bem, che se ciave anca i soldi. Mi volaria portàrmene casa un par proar, sol che gao mia soldi adesso, ma doman mi vegno pagarte. - No ghe zé poblema nò - ghe gà dito el dotore – noantri semo gognossidi. Te ghin porti casa un, par intanto; te lo prui, e dopo te vien pagarme e te me dize se gà dato resultado. El giorno drio, el nono el torna in drio par pagar el dotore, e el ghe gà dato cento e otanta cunti. - Nò – ghe gà dito el dotore – no i zé mia cento e otanta. Mi cato che gavi capio sbalià. El viagra el costa otanta cunti. - Só, mi che’l costa otanta cunti. Che altri cento cunti, l’è stà a nona che i gà mandai de tanto contenta che la ze restada... É... contento el nono e più contenta la nona...