Belche passà via el giorno del pupà e alora vui aprofitar questa oportunità par mandarghe un grande saludo de cuore a tuti i pupà che i ghe piase de leder le Ciàcole.

Belche passà via el giorno del pupà e alora vui aprofitar questa oportunità par mandarghe un grande saludo de cuore a tuti i pupà che i ghe piase de leder le Ciàcole.
Ma, vui dir che no i ze mia tuti i fioi che i ghe dà el valore che’l gà un pupà ntela fameia, parchè sti giorni in drio, go scoltà na fioleta che la ghe parlea de incontro a la so mama e la ghe dimandea cossita:
– Mama, mi go scoltà la professora che la ga dito che le stà el segnor che’l ga fato el maré, le piante, el sol, la luna, le stele... E che l’è stà Lu che’l me gà creà anca mi. Zeo vero, mama?
– Si che ze vero, cherida. L’è stá el segnor che’l ga fato tuto el mondo, e che’l te gà fato anca ti.
– Nantra roba: la nona la me ga dito che quando mi son nassesta, l’è stata na segogna portarme quà casa. Zeo vero, mama?
– Si che ze vero, fìglia. Un bel giorno de sol, na segogna bela bianca la ga passà quà casa zolando. La gavea na sporta picada ntel beco, e ti te zeri rento ntela sporta, e ela la te gà assà quà ntela nostra fameia...
– Zeo vero, mama, che quando mi perdo un dente e che lo meto in sima la finestra, la striga la vien portarmi i soldi?
– Mi si, cara, ze tuto vero...
– Mi volea dimandarve nantro roba, mama:
– Cossa vuto saver, adesso?
– Vui saver se ze vero che l’è el Papai Noel che’l me porta i presenti quando che riva el giorno de Natal?
– Ma si, cherida... Tuti i presenti che te guadagni de Natal l’è el Papai Noel che i te li porta. E anca quando che riva la Páscoa, l’è el conìcio che te porta i uvi de cicolate.
– Ma, alora, mama, el pupà sèrvelo pa far chè, quà casa?! Sol pa intrigar el serve el pupa...

*Ivo Gasparin