- Ciò, compare, come valo el toro de rassa che te ghè comprà la zo Steio?

- Ciò, compare, come valo el toro de rassa che te ghè comprà la zo Steio? - Par dir la verità, adesso l’è pròprio te a ora giusta, compare. - Ma lora, te sè che gò la me vacheta Mansigna, e gavaria idea de tirar fora nantra criasson... - Ben, quando che te vol, ménela la casa che no te cobro gnanca um fiorin. El giorno drio, el compare sl ciapa la Mansigna pa na cordeta e l’è ndà menarla del toro. Co l’è rivà là, el gà catà casa solo la comare, parchè el compare l’era ndà te a cidade. Ma la comare no la se gà fato maraveia gnanca una, parchè el so omo la gavea belche visà che’l compare el vegnea co la so vacheta. Ben, pa incurtar la stòria, fin che’l toro el fea el so laoro, el compare e la comare i ze stai là a farghe la varda, par veder se tuto ndea de acordo. Quando che’l toro el gà fenio, come che l’era tempo belche che’l compare l’era de òcio te a comare, el gà pensà che saria el colpo de ciaparla pal fiaco, e tuto romántico el gà parlà: - Che bela che la zè la natureza, nò comare? - Bela pròprio, compare... - E se fusse de dir, che mi fesse un scherso che gnanca el toro, cossa dizio vu, comare? - Vuto che dighe che, mi, compare. La vaca la ze tua... te pol far quel che te vol ti... Lora si vegnaria fora un bel vedeloto, nó?...