Come che se sà, ghin more tanti al giorno, e alora mi zera ndrio pensarghe sora che ghen’à de esser sempre na fila granda de gente che riva ntela porta de San Piero.

Come che se sà, ghin more tanti al giorno, e alora mi zera ndrio pensarghe sora che ghen’à de esser sempre na fila granda de gente che riva ntela porta de San Piero.
Mi calculo che i fà na fila granda come quando che se và consultar ntel INSS. Mi calculo que i và due a due pa no perder tanto tempo.
Alora, un giorno São Piero lera là che’l recevea sta gente. Ghen’era de quili i che ndea drito in paradiso, quili che i ghe tochea tornar in drio par ciapar na brustolada ntel purgatório, e quili che ghe tochea ndar a l’inferno.
Ntela fila ghn’era un prete tuto contento parchè lera securo che San Piero lo mandea andar rento drito in paradiso. Ntea banda de sto prete, ghen’era un sofero de ônibus. San Piero li gà vardai bem in fàcia e el gà parlà cossita:
– Ti, che te zeri motorista dea lìnea che ndea a Cassia, te pol ndar rento drito in paradiso che’l Segnor l’è ndrio spetarte. E ti, prete, che te zeri vigàrio là in Flores da Cunha, te toca spetar un pochetin par dar na passadina ntel purgatório parchè no te sai pronto gnancora.
El prete l’è restà de boca verta, e el ghe ga dito a San Piero:
– Come cossita? No l’è mia na ingiustìssia? Mi che gò pregà tuta la me vita, che gò confessà, che gò fato i sermon tute le doméneghe, me toca ndar ntel purgatório e El motorista el và dentro drito in paradiso?
E alora San Piero el ghe ga spiegà:
– Ti tocarà ndar ntel purgatório pagar li to débiti al Segnor, parchè intanto che te fei i sermon ntea ciesa, squasi tuti i dormia e el motorista el và drito in paradiso parchè intanto che el ghiava l’ónibus, tuti i dizea su el rosário.
Mi cato che con questa, Maróstica el và drito in paradiso...