La persona, quando che la more, la deventa sempre santa. Ze sol scoltar cossa che i dize quili che i và a l’intero: “che persona bona che lera”... “el gà mai ciavà nessun”... “tuti i ghe volea ben”... “che omo laorador”... “che ezémpio par noantri”... “un vero cristian”.. “tute le doméneghe no’l gà mai perso na messa...” “un santo de un omo”... E così vanti...

La persona, quando che la more, la deventa sempre santa. Ze sol scoltar cossa che i dize quili che i và a l’intero: “che persona bona che lera”... “el gà mai ciavà nessun”... “tuti i ghe volea ben”... “che omo laorador”... “che ezémpio par noantri”... “un vero cristian”.. “tute le doméneghe no’l gà mai perso na messa...” “un santo de un omo”... E così vanti... Lora, quando che Giusepe l’è morto, se ben che’l gavesse el vìcio de giugar le carte; el vìcio de ndar te a bodega tute le note; se ben che tante volte spachesse fora tuto, quando che’l rivea casa ciùco, sensa contar che la fèmena la gavea descoerto che’l se gavea catà fora nantra, e che i dizea che’l gavea fin un fiol co’sta dona... Lera próprio come che ghe piase el diàgolo. Ben, quando che l’è morto e che i o gà portà in ciesa par dir la ùltima messa, se bem che’l gavesse in torno tute che le magagne che gavemo parlà, te a ora del sermon, el vigário el gà scumissià dir: “Fin pecà che Giuseppe sìpie morto parchè lera un bon pare, un bon laorador, el gà slevà i fioi come um vero cristian, el gà mai tradito la fèmena”...che questo, che quel... Ciò, la fémena de Giuseppe, quando che la gà scoltà tuto quel che’l vigário lera ndrio parlar, la gà ciamà el so fiol più vècio de na banda e la ghe gà dito: - Ciò, fiol, và veder se quel che l’è butà rento tel casson l’è próprio to pare, parchè, me par che’l vigário l’è ndrio parlar de nantro morto...