Na volta ghe’nera un pastor protestante che’l gavea un fiol de quei moderni

Na volta ghe’nera un pastor protestante che’l gavea un fiol de quei moderni: cavei longhi che gnanca quei de na tosa, un recin picà ntel naso e nantro recin picà ntel boton dea pansa, e la barba longa che gnanca quela de Moisés.
Sto tosato, tuti i sabi, ndea sempre dimandarghe al pai che’l ghin’spretesse l’auto pa’ndar in volta. El pai el ghe dizea sempre cossita: sol dopo che te compissi disdoto ani.
Alora, quando che’l gà compio i disdoto ani , al sabo l’è ndà dimandarghe impréstio de l’auto al pai. El pai ghe gà respondesto cossita:
- Se te vol che te impresto l’auto, bisogna far trè robe: taiarte i cavei ben curti, taiarte barba e passar ntel vestibular.
El tosato, ciò, el se gà metesto studiar che gnanca un mato e dopo de un mese el gà passà ntel vestibular. Pena che’l gà savesto che’l gávea passà ntel vestibular l’è ndà a tuta a carera dimandarghe l’auto al pai. El pai el ghe gà sol dito cossita:
- Te te ricordi, fiol, che mi te gò dito che par imprestarte l’auto ghe volea trè robe: taiarte i cavei, taiarte la barba e passar ntel vestibular. Fine adesso te ghè sol passà ntel vestibular. Ghe manca taiar a barba e i cavei.
Lora el fiol el ghe gà dito:
- Ma, pai, vu che si un pastor, gavi de saver che la Bíblia la dize che anca Moisès el gávea a barba e i cavei longhi!
- Ben par quela che so pare el ghe gà mai imprestà l’auto...