Te sè che el giorno de oncoi, chi che comanda tuto, l’è el computador.

Te sè che el giorno de oncoi, chi che comanda tuto, l’è el computador. Te vè tel Banco, ghe zè el computador; te vè te’lescritòrio, i fà tuto co’l computador; te vè comprar te na loza, el computador el dize tuto: onde che te stè, quanti àni che te ghè, onde che te si nascesto, tuto pò... Lora, ghe ze stà un dotoreto, pena vegnesto fora de a Faculdade, che’l se gà comprà el computador più moderno che ghe zè. Un computador che’l dize tuto te a ora, sensa far azame gnanca un. Lora, come che Tòni el gavea vergogna de far l’ezame de la próstata, quando che’l gà savesto del computador, l’è ndà consultarse. El dotor el ghe gà dato na garafeta, e lo gà mandà tel bagnero pa che’l pissesse rento. Tòni l’è tornà in drio, el dotore el gà ciapà a garafeta, la gà metesto rento tel computador, el gà vardà... el gà vardà... e el ghe gà dito: - È...te ghè un poblema meso grando te la próstata. - Come cossita, dotor. El computador el gà fato massa in prèssia. Vui far nantro ezame. Lora el dotor el ghe gà dato nantra garafeta, che a portesse casa, e che’l tornesse el giorno drio co’a garafeta piena. Tòni el gà tolto su la so garafeta e l’è ndà casa. Ma come che’l gavea na mesa desconfiansa del computador, el gà pensà de darghe no imbroiada al dotor, e el gà fato cossita: el gà pissà un pochetin lu; nantro pochetin la fèmena; un pochetin la fiola più vècia; nantro pochetin el cagneto e, par ùltimo, el gà metesto rento un pochetin de òio del trator, fin che’l gà impienio a garafeta. El giorno drio, tuto scurioso, l’è ndà farse a consulta. El dotor el gà ciapà la garafeta, la gà metesta rento tel computador, el gà vardà, el gà vardà... e el ghe gà dito: - È... l’ezame l’è giùsto pròprio. El me computador no sbàlia mia: te ghè um poblema meso grando te la pròstata; la to fèmena la gà le maruele (hemorróidas); la to fiola la ze gràvida de due mesi; el to cagneto l’è pien de vèrmi e el to trator el gà el motor fenio. Meio ezame che cossita, vuto chè?