El nono el gavea otanta quatro ani, e la nona, otanta due. Tuti i ani el nono el ciapea el so golzinho e el mena la nona al dotor par fargue la revision.

El nono el gavea otanta quatro ani, e la nona, otanta due. Tuti i ani el nono el ciapea el so golzinho e el mena la nona al dotor par fargue la revision. E tante volte i ze ndai, che’l dotor l’è restà squasi come dea fameia, de tanto che i se volea ben. Ma, dà par dir che’l dotor el ghe volea de pi ben a la nona, parche, tute le volte que la ndea là, la ghe portea qualche cosa: uma dúzia de uvi, o un vaseto de miel, o na sporta piena de naranze, bergamote, pomidori...
Qualche robeta, sempre la ghe portea al dotor, e par quela che’l dotor el ghe volea tanto ben.
Ntela última consulta, el dotor, prima el gà consultà el nono, che’l ghe gà contà na múcia de busie. Dopo el gà mandà fora el nono, e ze ndata rento la nona.
El dotor la gà consultada tuto polito, e par fenirla, el ghe gà dimandà:
– E par via del secso, come che la và?
– Secso, dotor? Se ghe dimandì al me vècio, n o’l sà gnanca pi cossa che’l sìpie. Mi cato che, deromai...
– Come cossita? El nono el me gà dito che due volta a stimana, le ze secure!
– Due volta a stimana? Gnanca due volta a l’ano, dotor.
El dotor l’è resta cativo, parchè el ghe volea ben a la nona, el gà ciamà rento el nono el ghe gà dito:
– Vardì, nono, come che me gà contà la nona, no la ze mia come che me gavì dito. De incoi avanti, mi, vui ténderghe a la nona, e bisogna, che la fae secso due volta a stimana: una all’uni, e nantra al vendre.
– Ben, ben, dotor – gà parlà el nono – se volì che la sìpie cossita, mi ve digo sol na roba: de luni, mi posso menàrvela quà co’l me golzinho. Ma, al vendre, bisogna che’l dotor el vae la casa mia, parchè, al vendre mi me toca ndar giugar le carte la su ntel salon dea ciesa.
Che bruto compromesso che’l gà ciapà anca el dotor... E cossita, el nono el se la gà fiocada...