1ª – Varda de tegner de conto el lavoro, prima de tuto. Le tue necessità particolare, o de la tua fameia, bisogna assarle de banda.
2ª – Laora al sabo, el giorno intiero, e se ocore, anca ala doménega.
3ª – Se no te pol mia restar ntel scritòrio fin tardi de note, pórtete i lauri par farli ntela to casa.
4ª – No stà mai dir de nò a nessun. Sempre dir de sì a tuto quelo che i te solissita.
5ª – Varde de far parte de tute le comissione, de tute le diretorie e aceta tuti i conviti e reunione.
6ª – No stà là perder tanto tempo ntela colassion, parchè bisogna scominsiar bonora i lauri. Al meso-giorno, ntel magnar, stà ntel selular e varda de sarar quache negòssio novo.
7ª – No stà perder tempo cola ginástica, o far qualche caminada, o qualche pescaria, o anca giugar la bola, le boce. Te sè che’l tempo el val soldi.
8ª – Ti no te gh’è de bisogno de fèrie. Te sì fato de fero e pronto.
9ª – Varda de controlar polito tuto el lavoro. Che no ghe sìpie gnente de sbalià parchè ti te ghè tuta la responsabilità del mondo. Bisogna che tuto vegne fora perfeto.
10ª – Se te vedi che te si ndrio perder le forse, bevi zo stimulanti e energètichi. Te pol anca fumar qualche sigareto par tegner la tranquilità.
11ª – Se te gh’è dificultà de dormer, bevi zo calmanti e sedativi, che i fà efeto repentino.
12ª – E par ùltimo, no stà perder tempo cole orassion e gnanca cola meditassion. Queste le ze robe de i santoci. Mètete in testa na roba: la me religione l’è el me lavoro e guadagnar soldi. Punto e basta.