Bepi l’era meso sconfià parché ultimamente el fea l’amor cola so dona

Bepi l’era meso sconfià parché ultimamente el fea l’amor cola so dona, due volte al mese, quando che la ndea tuto de acordo, ma el pedo ze che, se ben che no in funsionesse mia tanto, la so dona la se ga ciapà gràvida. E lu sempre con quela in testa. 
Dopo de un paro de mesi che’l fioleto l’era nassesto, Bepi el ga tacà restar ancora pi nervoso e pi preocupà,  parché i cavei del toseto i vegnea sempre pi rossi, e par infiamarla ancora de pi, el  so visigno el gavea anca lu i cavei rossi. 
Quando che qualche dun el ghe dimandea come che podea esser che’l so fioleto el gavea i cavei rossi, se lu e la so dona li gavea negri, lu el ghe spieghea  che i bisnoni i gavea i cavei rossi. Ma tanto i ghe ga sgionfà e balote, che  Bepi el ga resolvesto  ndar parlar co’l dotor.
– Dotor – el ghe aà dito, – come che pol esser che mi e la me dona gavemo i cavei negri, e el fioleto l’è vegnesto fora coi cavei rossi?
Alora, el dotor che l’era un grandìssimo amico suo e che’l savea de tute le sparlaciera che i disea in volta, parché la z’era na cità picoleta, e par che Bepi no’l restesse de pi preocupà ncora, el ghe ga dimandà:
– Dime sol na roba, Bepi, quanto volte a stimana?
– Cossa? Na volta a stimana, dotor?  Quando la và ben, fursi na volta  al mese.  E quando go tanto laoro, gnanca quela, dotor
– Ben, ben, alora se la ze cossita, Bepi, no stà preocuparte , nò. Te sè che quando se dopara poco le feramente, le resta rùdene. Alora, i cavei  rossi del to fioleto  ze stà par via de la ferusen. Sol quela...
Se la fusse cossita, ghin saria tanta gente de cavei rossi...