Bèpi l’è ndà del dotore parchè no lera mia bon de catarsse co la dona.

Bèpi l’è ndà del dotore parchè no lera mia bon de catarsse co la dona. No i ndea mia de acordo como che ghe bisogna. El ghe gà spiegà tuto al dotore, e luri due i se gà combinà come che i gavea de far. Lora, quando che Bepi l’è arivà casa, el ghe gà dito a la fèmena, che la ndesse là del dotore che’l volea parlar com ela. El dotore, lora, el ghe gà spiegà a la fémena, che Bèpi el gavea in torno un grandíssimo “estresse” e che ghe volea darghe tanto sguardo, se no la voela mia restar viúva. La fémana la gà volesto saver cossa che ghe bisognaria far, parche el so omo el restesse meio. Lora, el dotore el ghe gà dito cossita: - Se te vol che Bèpi el reste meio, ghe vol na mùcia de recomendazione: la prima roba, tute le matine, bisogna pariciarghe un bom café con salame, fortaia, polenta, formaio, poìna, biscoti e tuto quel che ghe ze de meio. - Si, dotore; e dopo chè ncora? - Quandol che lu le ndrio veder el giugo de futibol tel televoson, àsseo star; no stá incomodarlo e, par sora, bisogna che’l gàpie sempre na bira ben gelada, parche no el pol mia patir a voia de bever bira. - Si, dotore; e dopo chè ncora? - Quando che’l riva casa tardi, no stà farghe dimande de onde che l’è ndà... con chi che l’è stà... e gnanca cossa che’l gà fato. - Si, dotore; e dopo chè ncora? - Adesso la roba più importante: tute le note, sìpie a ora che sìpie, bisogna far amor con lu, e sempre mostrarte contenta, e mai dir che te ghè mal de testa, che questo, che quel... - Si, dotore; e dopo chè ncora? - Par intanto, le recomendazione le ze queste. De quà un mese, te torni in drio par veder come che l’é ciapà. Quando che la fèmena la ze arivada casa, Bèpi, tuto scurioso, el ghe gà dimandà súbito: - E lora, cossa galo dito el dotore? - El gà dito che te ghè na bruta malatia e che te toca morir... Eco, pó...