Bepi e la Zulmira, dal giorno che i se gà maridà, i gà sempre bio la medèsima idea: far popansa

Bepi e la Zulmira, dal giorno che i se gà maridà, i gà sempre bio la medèsima idea: far popansa. I ze sempre ndai acordo in te quel assunto: far popansa... far popansa... far popansa... E con quela, i se gavea belche imucià na bona quantia de soldi ntel Banco.
Ma la Zulmira, no la zera sol bona de imuciar soldi nò, la zera meza bìscara, la sbrissiea che gnanca na enghia, e tute le note la zera sempre pronta. Dà che la zera cossita, Bepi el gà pensà de tirar un vantàgio, e una note el ghe gà dito cossita:
- Varda, Zulmira, mi gò bio na idea, che podarìssimo unire il piacere co’lucro: dà che semo ndrio far na bona popansa, cada volta che te fè l’amor, te meti cinque reai ntel cofre, sol par veder, ntel fin de l’ano, quanti note de cinque reai che gavaremo metesto via.
La Zulmira la gà catà la idea de Bepi, na bela preposta, e la gà scumissià súbito.
Ntel fin de l’ano, la darente el Natale, i ze ndai verder el cofre par veder quanti soldi che i gavea imunicià su. Satìssima Vèrgina Maria!... quando che Bepi el gà verto el cofre, l’è resta de boca verta: là ghe nera note de vinti reai, cinquanta reai, e pi che sia, na mùcia de note de cento reai.
- Come cossita, Zulmira, noantri gaveino combinà che te metissi sol note de cinque reai, nò de vinti, de cinquanta e de cento!
Alora la Zulmira la ghe gà respondesto:
- Pénsito ti, che i ómeni i sìpie tuti tirani che gnanca ti?
Ma, in finale, Bepi l’è restà anca contento, parchè la popansa la zera garantida.