Bèpi el gà sempre bio la idea de vìver cento ani, e par quela, lera sempre co le récie in piè par via de la so salute.

Bèpi el gà sempre bio la idea de vìver cento ani, e par quela, lera sempre co le récie in piè par via de la so salute. Tuti i giorni el gavea maisomeno un dieze sià de bever: un pa i reumatismi; nantro par netar fora el sangue; che altro pa i palmuni; due trè pa el corasson, par la bessiga, pa i vermi... na litánia intiera de sià, pò... Un giorno, l’è ndà dal dotore par dimandarghe el segreto de viver fin i cento ani. - Quanti sìgari, fùmito al giorno? – ghe gà dimandà el dotore. - Gracie a Dio, gò mai metesto un sígaro in boca. - E te la bebida, come che la và: vin, caciaça, wíski, bira? - Pa’mor de Dio, dotore, no gò mai metesto na sboconada in boca, de qualche bebida che la gavesse spírito. - E de note, veto tanto a feste, a baile, a stravaganse? - Quando che ze le oto de note, mi son belche a leto, parche i dize que, par viver tanto bisogna ndar a leto co le galine e levar su co’sponta il sol. - Ma gnanca un giugheto de carte co i amici, te la bodega!? - Bodega, dotore? El pedo posto par la salute: spussa de sìgari, luce fiaca... nò, nò...Bodeghe nò... - E le done? Come che la và co le done? Qualche programeto difarente fora del casamento? Mai saltà a serca?.. Te sè, Bèpi, che anca i cavai, de le volte, i ghe piase magnar na erba difarente... - Sta gnanca parlarme, dotore, sora che’l assunto li. Par mi, quanto meno fèmene te la me vita, più fàcile la porto vanti. - Ben, ben...Bèpi, lora mi no son bon de capirte: no te ghè gusto de fumar, de bever, de giugar, de far feste, de done, de gnente... Vuto viver cento ani pa far chè, lora?